Diseinu irekia eta berrerabilpen nodoa

Uliako Lore Baratzak parkea oinarri hartuta, parkean bertan aplikagarri eta erabilgarri izango diren elementuen diseinu prozesu parte-hartzaile bat jarriko da martxan. Talde honen helburua hainbat eraikuntza eta berrerabilpen teknika erabiliz parkearen eguneroko bizitzarako erabilgarri izango diren altzari eta elementuak sortuko dira.
Lantegi honetan zura edo banbua bezalako material naturalen forma, materialtasuna, diseinua, lotura motak edota eraikuntza desberdinekin esperimentatuko da. Landa eremuan oso erabiliak diren teknika eta materialak ikusi eta diseinu eta Land Art munduarekin konbinatuko dira.
BIO
Ion Arregi eta Martin Ferran, 2005 urtean ezagutzen dute elkar, artea, arkitektura eta diseinua zeharkatzen dituen ibilbide bat eginez. Prozesu honetan, asmo batzuen kontzeptualizazio, gauzatze eta joanetorriko esperimentazioan murgiltzen dira. Arteleku bezalako sorkuntza testuingurutik, Noruegako Dhale herrian eginiko egonaldira, edota Donostia – Berlin joanetorrian, haien elkarrekintza egoera bat bilatzen jarraitzen dute.
IZENA EMAN
 

SummerLab'17

SummerLab’17 motibazio eta esparru ezberdinetan aritzen diren maker, aktibista, ikertzaile, sortzaile eta hiritarrak biltzea helburu duen udako kanpamendu moduko lantegi kooperatiboa da. Pertsona hauek teknologia, kultura digitala, diseinu irekia eta hezkuntza bezalako gaien inguruan besteak beste, lanean jartzen saiatuko gara, aurten Herri ekimena eta Teknologia sozialak gai nagusi bezala hartuta. Hirikilabs laborategian eta Uliako Lore baratzetan  lantaldeak, bilguneak, hitzaldiak eta lantegiak antolatuko dira.

Continue reading “SummerLab'17”

EGINZALEAK! 2015 // 3. fabrikazio eta teknologia hiritarraren astea

Eginzaleak! ekimenak hiritar teknologia, fabrikazio digitala, DIY software/hardwarea eta sareen ekoizpen eta banaketa digitalaren bidez gertatzen diren artisautza eta kooperazio prozesuen berreskuratzearekin lotura duten hainbat jarduera barne hartzen ditu.
Jardunaldi hauek bere baitan hartzen dituzten ildoen artean, sorkuntza eta ikerketa sortzailea, elkarlanean garatutako diseinu proiektuak, diziplina-arteko teknikak, jasangarritasuna, komunitatearekin batera eta mesederako tresnen garapena eta giza teknologien bidezko hiritarren ahalduntzea aipatu daitezke. Astean zehar gertatuko diren jarduerekin, Hirikilabsek teknologien erabilera oinarri dituzten hiritar eta talde esperientziak ikustaraztea du helburu. Continue reading “EGINZALEAK! 2015 // 3. fabrikazio eta teknologia hiritarraren astea”

HOW TO MAKE #05: Artean eta diseinuan ikerketa ildo berriak // Tabakalera // Azaroak 20 ostirala 18:30

Teknologi prozesu berriak, objetuak sortzeko aukera oparoak eskaintzen ari dira, arte eta diseinu alorrean berrikuntza joera nabarmenetakoa izanik gaur egun. Ohiko teknika tradizionalak egungo teknologia irekiekin uztartzean, ikerketarako aukerak biderkatzen dira. Kode irekian oinarri duen kultura digitalari eta artisauen “egiteari” lotuak, sorkuntzarako teknologiaren erabilera berriak aurki ditzakegu. Honela, 3D inprimatzeko sistemak berrietan eta ordenagailuz lagundutako CNC mozketaren erabileran oinarritzen diren adibide batzuk aztertuko ditugu, bitxigintza eta arkitektura esparruetan.

Hirikilabseri lotutako Artisau Berrien komunitate eraginkor bat sortzeko asmoari helduz, joera hauek erakusteko eta partekatzeko saio berri bat proposatzen dugu. Oraingoan Jon Juarez Orekan eskalada-murruaren sortzailea gonbidatu dugu, baita Marta Fernandez Caballero diseinatzailea, 3D inprimagailuarekin sortutako bitxi bildumaren inguruan solasteko. How To Make hilean behin ospatzen den topaketa bat da, Maker kulturan murgiltzeko, ikasteko eta partekatzeko grina duten sortzaile, arkitekto, ingeniari, zientzialari eta hiritar orori zuzendurikoa.

Saio hau azaroak 20, ostiralean, izan da, 18:30etan, Tabakalerako eraikin berriaren lehen solairuan.

HowToMake6_2015_11_20__02_baja

Jon Juarezek Orekan egurrezko eskalada-murruaren diseinu eta eraikuntza prozesua azaldu du, diseinu parametrikoan oinarritzen dena. Bere dimentsioak direla eta, askotan bezala, lagunen laguntza behar izan du hau eraikitzeko. Ez-ohikoak zaizkigun testuinguruetan artea erabilgarria bihurtzeko bilaketa izan da proposamen honen abiapuntua. Bere maker hautua estetika eta funtsionaltasuna uztartzea da, D.I.W.O. ikuspegi batetik.

http://harrihorrihar.blogspot.com.es/2013/03/harrihorrihar-rocodromo.html

HowToMake6_2015_11_20__08_baja_BI

Marta Fernandez Caballerok modelatu digitala eta 3D inprimatzeko teknika desberdin oinarri hartzen duen bitxi bilduma bat aurkeztu du. Bitxi hauen diseinu, modelatu eta ekoizpenerako erabiltzen dituen artisau prozedurak azalduko dizkigu.

https://martafernandezcaballero.wordpress.com/

How To Make Paola Guimeranseek pentsatu eta koordinatutako formatu bat da, Aitortu-EzKomertziala-BerdinPartekatu 3.0. lizentziapean dagoena.

Live Coding saioa | Kode kreatiboko lantalde irekia

Kode kretiboko lantaldeak programatzen dituen ekintza jarraien baitan, irekiera dela-eta live coding saio esperimental batean elkartuko da Karlos G. Liberalek koordinatzen duen taldea. Live Coding programazio praktika bat da. Zuzenekoan ipintzen du atentzioa, denbora errealean kodearen emaitzaz gain, kodea bera ikustea da jomuga, Gisa honetako saioetan soinu eta ikusgarri digitalak sortzen dira, konposizio algoritmikoa eta inprobisazioa uztartuz.
Irailak 12, larunbata //  19:00  //  Tabakalerako eraikineko 3.solairuan

PLAZA PROIEKTU IREKIEN 4. AURKEZPEN PUBLIKOA

Uztailan proiektu irekien deialdia zabaldu zen eta oraingoan landu daitezkeen proposamenak ezagutzeko aukera izango dugu, eta hauek aurrera eramateko taldeak osatzeko aukera ere.
Saio hau irailak 17an Tabakalerako Hirikilabsen izango da 18.30etatik 20.30etara. Proiektu bakoitzak aurkezpen txiki bat egingo du, eta jarraian lantalde irekia osatzeko dinamika txiki bat egingo da.
Hirikilabsen proiektu ireki batean parte hartzeko gogoz bazara etorri zaitez proposamenak ezagutzera:

  • Open SHF // Gonzaga Aristondo  // Etxebizitza malgu baten prototipo irekia eskalara eraikitzea du helburu. Horretarako, pieza batzuk diseinatuko dira prozesu honetan zehar.
  • Jolas irekiak parkean // Uliako Lorak // Jolas irekien hiru prototipoen diseinua eta eraikuntza, Ulian jarriko direnak hasieran.
  • Kubo // Iñigo Sebastian // 4x4x4 LED kubo batekin pantaila tridimentsionala osatzeko prototipoa eta jolasen programazioa.
  • Papirudia // MariJoxe Azurtza // Matematika eta papiroflexia bat egin Raspberry baten erabilerari esker.
  • Bauhaus Graffiti Toolkit // Mikel Arbiza // Open-source tresna sorta bat eta gida didaktikoa hirian esku-hartze grafikoa laguntzeko.
  • Argazkiak errebelatzeko DIY lantokia // Joseba Egia // Erabiltzaile hasiberriak argazki analogikoan murgiltzeko eta negatiboak errebelatzeko DIY/DIWO eredu bat kode irekian diseinatu eta prototipatu
  • Gipuzkoar bat ere ez bere errauskailurik gabe // Aritz Zabaleta // Hondakinen errauskailu erraldoiaren eraikuntzari alternatibak bilatu.

Proiektu hauek Hirikilabsen lantaldeak sailkatu ditu laborategiak ematen dituen aukerak eta bertan bilatzen diren dinamika eta filosofiarekin bat egiten dutela kontutan izanik.
Aurkezpen honetan proposamenak ezagutzeko aukera izango dugu, eta parte hartzaileen interesen arabera, aurretik sailkatu diren 7 proiektuetatik 2-4 bat Hirikilabsen garatzeko aukera egongo da.
Ondoren proiektuen inguruan lan egiteko lantalde irekien hitzordu batzuk finkatu dira, ostegunetan:

  • 09 / 24 // 16.00 –  20.00
  • 10/01 // 10/08 // 10/15 // 10/22 // 10/29  // 16.00 –  20.00
  • 11/05 // 11/12 // 11/19 // 11/26  // 16.00 –  20.00
  • 12/03 // 12/10 //  16.00 – 20.00

OBLOBOTS TAILERRA

Oblobot 3D teknologia erabiliz errobotak inprimatzeko teknologia da. Guraso eta irakasleek haurrei elektrizitatea eta fabrikazio digitalaren oinarriak ulertzen laguntzeko plataforma egokia da. Pertsonalizatutako errobotak sortzeko elkarrekin lotu daitezkeen piezek osatutako kitak dira.
Tailer honetan errobotekin eta plastilina eroalearekin egingo dugu lan. Gure errobot argiztatuak eraikiko ditugu eta 3D piezak nola sortzen diren ikasiko dugu.
Tabakalerako Hirikilabs laborategian, irailak 12, larunbatean, 11:00etatik 13:00etara

SARTU!

Hirikilabs laborategia eta bertan lan egiten dugunak ezagutu nahi badituzu, etor zaitez Tabakalerara. Hurrengo astean Hirikilabs lantaldearekin solasaldi bat prestatu dugu.
Bertan kultura digital eta teknologiako laborategi hiritar bat zer den ezagutu ahal izango duzu.
Irekiera eta hileko programa azalduko dizugu eta parte hartzeko bide ezberdinak ere.
Azkenik erabiltzen dugun teknologia eta makinak ezagutu ahal izango dituzu ere.
Bi saio prestatu ditugu:

  • Irailak 8, asteartea  // 17:00 etan – Euskaraz
  • Irailak 10, osteguna // 18.00 etan  – Gazteleraz

Eman izena

Bagoaz!

Bi urte, egun DSS2016 gunea den suhiltzaileen eraikinaren sukalde zaharrean pasa ondoren, mugitzeko garaia iritsi zaigu. Hirikilabs 2012. urtean jaio zen Hiri Laborategi protipo gisa DSS201EU eta Tabakaleraren elkarlanari esker, etorkizuneko behin betiko Tabakalera kultur proiektuaren baitan tabakoen fabrika izan zenean kokatuko zen laborategia prototipatu eta testeatzeko intentzioaz. Etorkizun hori iritsi dela dirudi eta data konkretu bat jarri zaiola, Irailaren 11koa hain zuzen ere, horregatik gauzak bildu, kaxak prestatu eta Hirikilabs berri, osatu eta handiago bat izateko prestatzeko garaia iritsi da.
Proiektu honek askotxo zor dio eginzaleen komunitateari, hemen lehenengo egunetik izan zareten guztioi, paretak margotzen, altzariak sortzen, aktibitateetan parte hartzen eta batez ere partekatu eta Hirikilabs eraikitzen aritu zaretenoi, horregatik sukalde honetan elkarrekin azken momentu bat partekatu nahiko genuke guk ere, auzotegi berrira joan baino lehen elkarrekin azkeneko aldiz sukalde hau trastez beterik ikusteko. Hurrengo ostegunean, uztailaren 09an 19:00etan, elkartuko gara, freskagarriren bat hartu eta denon artean agur esateko, lasai izan ez baitugu inor mudantzarekin laguntzera behartuko eta.
Hemen izango gaituzue zain!
 
[embpicasa id=”AF1QipN9C3EhGULh2iYLcVYJ6klhB8XJ83_EncqE0wdU”]

HirikiMame lantegia @ Euskal Encounter

80.hamarkadan makina errekreatiboak existitu ziren. Garai hartako joko gehienetara joka daiteke “emuladore” edo antzinako makina hauen ezaugarriak berresaten dituzten programa txikiekin. Emuladore ezagunenak MAME du izena http://www.mame.net/ (Multiple Machine Arcade Emulator). 35$-eko ordenagailu txiki batekin (Raspberry Pi) eta laser ebakitzaile batekin, makina hauen tankerako hardware eta softwarearen erreprodukzio bat eraiki daiteke. Makina honi 10.000 joko klasiko inguru karga ahal zatzaizkio, hortaz, sarrera publikoko edozein lekutan jartzeko bikaina izanez.
HIRIKILABS-etik EK23an zehar burutuko den lantegia antolatu dugu, 35€ko kostua duen hardware askeko ordenadore txiki eta libre bat (Raspberry Pi) erabiliaz jolasteko 5 makina eraikiko ditugu, bertan MAME 8biteko jokoen emuladorea instalatuz. LAntegi teoriko-praktikoa izango da hau, laser bidez moztutako azala montatuko dugu, joystick eta botoiak konektatu eta RaspberryPi-aren munduan murgilduko gara, MAME emuladorea konfiguratuz eta bertan jokoak kargatuz.
Makina amaitzean 10.000 joko klasiko baina gehiago kargatu daitezke, entretenimendu sistema eta joko zaharrak gozatzeko gune bilakatzeko proiektu aproposa delarik.
HirikiMame bat etxera eraman nahi izanez gero, salneurria 150€-koa izango da. Kit-aren edukia honakoa da:

  • Joystick eta botoi klasikoak – Ultimarc.com
  • TFT-LCD 7” 800×480 pantaila
  • Raspberry Pi 2
  • Nano USB wifi receiver
  • Alimentazio iturri duala 12V-5V
  • Kableak (USB, RCA, alimentazioa, etab.)
  • Laser bidez ebakitako egurrezko karkasa
  • SD 32gb txartela

[ruven_info_box style=”red”]Izen ematea:
– Lantegia doakoa da, baina Mame KIT-aren kostua 150€koa izango da uztailaren 19a baino lehenago erosiz gero eta 170€koa Euskal Encounter-ean erosiz gero.
– Kit-a erosi eta izena eman nahi baduzu idatzi hirikilabs[at]tabakalera.eu emailera eta ordainketa egiteko instrukzioak bidaliko dizkizugu.
– 5 kit daude eskuragarri.
– Lantegira kit-a erosi gabe etor daiteke, beti ere erositako Kit bakoitzeko beste 2 pertsona gehienez izango etorri ahalko dira (10 gehienez).[/ruven_info_box]
[ruven_hr style=”default” size=”medium”]
[ruven_spacer size=”medium”]
EGITARAUA

Ostirala- 16:00etatik 18:30etara
Larunbata – 16:00etatik 18:30etara
  • Piezen aurkezpena eta DIY beste proiektu batzuk (15min)
  • Egurrezko kit-aren muntaia (30min)
  • Joystick eta botoien muntaketa (1h)
  • Pantaila eta alimentazioa konektatu (30min)
  • Montatutakoaren proba (30min)
  • Raspberry Pi-ra sarrera (15min)
  • Sistema operatibo eta MAME instalazioa (1ord)
  • Sarrerako menuen konfigurazioa  (30min)
  • Jokoen karga (30min)

Ref:
http://www.tabakalera.eu/programa/hirikikas-zure-bideojoko-makina-eraikitzeko-lantegia-raspberry-pimame/

Ekainak 18: Hirikilabs Plazako proiektuen emaitzak + How To Make#02

Gaur egungo testuinguru digitalean, diseinu ireki eta kolaboratiboaren iritsierak, las modelo bezala, beste pertsonekin ideia eta ezagutzaren elkartrukerako (Do It with Others) aukera berriak eskaintzen ditu. Modelo berri honek diseinuaren ohiko praktikak aldatzen ari ditu, perfil desberdineko pertsoen arteko kolaborazioa baimentzen bait du. Gai honen inguruan hitz egin genuen aurreneko How To Make saioan eta prozesuan zehar hiritar desberdinek landutako diseinu ireki eta kolaboratiboko bi adibide aurkeztu genituen. Arquimaña-ko Raquel Aresek Fabdesk & codesk proiektuaz hitz egin zigun, Hirikilabseko altzariak eriakitzeko proposatutako prozesu ireki eta kolaboratiboa. Ondoren, Alberto Martínezek Enabling the Future elkartearekin izandako esperientziaz hitz egin zigun. Elkarte honek baliabide gutxiko familietako umeentzako esku protesikoak egiten ditu, ohiko protesiek duten kostu altua ezin ordaindurik, aukera bat izateko.
Hirikilabsera lotutako artisau berrien komunitatea sortzeko asmoarekin jarraituz, How To Make 2. saiorako Crowdfunding eta proiektu berrikuntzaren inguruko saioa planteatzen dugu, kultura librera eta egitearen filosofiari hurbiltzeko gai nabarmenak. Horretarako, BabyDuino proiektuaren sortzaile den Fabian Morales eta The Open Shoes ekimeneko Javier Bustamante gonbidatu ditugu. Saioa finantziazio eredu alternatiboen inguruko solasaldi batekin amaituko dugu Colaborabora-koRosa Fernándezen eskutik.
Saioa datorren ostegunean, ekainak 18, izango da Hirikilabsen. 17:00etan proiektu irekien 3. deialdian garatutako proiektuen emaitzen aukerzpen labur bat egingo dugu. Ondoren, 18:30etan, 2. How To Make topaketa hasiko da.
—————————-
HOW TO MAKE II: CROWDFUNDING ETA PRODUKTUAREN BERRIKUNTZA
GONBIDATUAK
BABYDUINO
BabyDuino, Fabian Morales
BabyDuino Arduino-n oinarritutako prototipatze-kit bat da eta beste funtzio batzuk eransten ari gatzaizkio. BabyDuino-ren helburua honako hau da: haurtxo batentzat garrantzitsuak diren datu biologikoak monitorizatzeko ikerketa-kit bat eskaintzea, hala nola, gorputzaren zein giroaren tenperatura, hezetasuna…. besteak beste. Informazio hori eskuratzen denean loaldiaren arazoekin (apnea), kardiopatiekin (bat-bateko heriotzarekin lotutakoak), … lotutako patroiak identifika daitezen laguntzen da eta horrek haurtxo baten bizitza salba dezake.
https://goteo.org/project/babyduino

 
OPEN SHOES
The Open Shoes, Javier Bustamante
The Open Shoes proiektua oinetako osasungarriak, modularrak eta kode irekia dutenak sortzeko ekimena da. Erabiltzaileak berak behar dituen zapatak teknologia berriak erabiliz sortzeko aukera izan dezan aukera emango diona edo salneurri egokian erostekoa. 3Dak izan duen gorakadak lehen urratsak egiteko aukera eman zion proiektuari eta proiektuaren inguruan interesa zuten pertsonek komunitatea sortu zuten, alternatibak, bertsioak eta hobekuntzak egiteko. Kode irekia erabiltzeak lehen diseinuak moldatu eta behar berezietara egokitzeko aukera eskaintzen du.
https://goteo.org/project/the-open-shoes
http://theopenshoes.org/

 
CBB_4PINGPOINTS_color_web1
HITZALDIA
“Crowd”ean oinarritutako finantziazio eredu alternatiboak (Rosa Fernández. Colaborabora)
Crowdfunding edo finantziazio kolektiboa mundu mailako fenomenoa bilakatu da. 1,5 miloi dólar bildu ziren sarean 2011 urtean gisa honetan eta 2014an 10 miloi. 160 herrialdetan hedatuta dago sarean dirua biltzeko modu hau.
Saio honetan dirua lortzeko bide horiek aztertuko ditugu eta proiektu teknologiak finantziatzeko aukerak eta baldintzak. Egungo kontzeptua azalduko dugu, historian barrena ibilbidea ikusiko dugu, tipologia eta eraldaketa. Ondoren, ordainsarien crowdfunding-az ariko gara, horrelako kanpaina bat abiatzeko aholkuak emango ditugu eta eredu hori erabiliz, kultura makerraren baitan gauzatu diren zenbait proiektu aipatuko ditugu. Saioa azaldutako kontuen inguruan eztabaidatuz amaituko dugu.

Horkonpon – DIY konponketa tailerra

Nik irratia konpontzen lagunduko dizut eta zuk, trukean, erakutsi galtzak nola josi

Tabakalera eta DSS2016EUk HorKonpon ekimena jarri dute abian, erreparazio edo konponketarako gunea, norberak konpontzen ez dakiena beste batek erakutsi eta bien artean egiteko tailer irekia.
Olatu Talkaren asteburuko igandean egingo da, maiatzaren 31n, 11:00etan, 2016 Gunean eta parte hartzeko epea irekita dago.
HorKonpon egunerokoan erabiltzen dugun hainbat tresna konpontzea eta berrerabiltzea ardatz hartzen duen tailer irekia da. Herritarrak autonomoago bihurtzea (do it yourself) eta talde-lana sustatzea (do it with others) ditu helburu. Horretarako, adin eta gaitasun ezberdinetako jendea elkartu nahi ditu eta, teknika eta teknologiari buruzko ezagutzak partekatzearen bidez, elkarrengandik ikasteko bideak ireki nahi ditu.
Ekimena Tabakalerak eta DSS2016EUk jarri dute abian, teknologia herritarren zerbitzura jartzea helburu duen Hirikilabs laborategiaren bidez. Donostiako Udalaren Donostia Lagunkoia programaren laguntza ere izan du.
Tokiko zein nazioarteko antzeko beste ekimen batzuk hartu dira eredu gisa HorKonpon prestatzeko orduan; besteak beste, duela urte batzuk Herbehereetan sortu zen eta nazioartean zabaldu den Repair Cafe eta, hurbilago, Bergarako KafeKonpon taldea.
horkonpon banner
Lehen saioa maiatzaren 31n egingo da, Olatu Talkaren programazioaren baitan, 11:00etan, 2016 Gunean, ekimena agerian jartzeko eta ezagutzera emateko xedearekin. Edonola ere, aurrera begira, Olatu Talkatik kanpo ere jarraipena izateko bokazioarekin jaio da HorKonpon.

Zer irakatsi edo/eta ikasi?

HorKonponen parte hartzeko ondoko bi baldintzetako bat (ala biak) bete beharko du edonork: askotariko eskulanen arloan irakasteko zerbait izatea edo ikasteko gogoa izatea. Azken batean, helburua da ahal bezainbeste abilezia eta ezagutza partekatzea, tankera honetako eginkizunak taldean egin ahal izateko: arotz-lanak, joste-lanak, elektrizitate-lanak, mekanikarekin lotutako zereginak, zapaten konponketa, etab.
Beraz, irrati, entxufe, jostailu, kremailera edo bestelako edozein traste konpontzeko gai den edonor gonbidatuta dago HorKonpon gunera etortzera. Bestalde, funtzionatzen ez duten gailu guztiak ganbara eta trastelekuetatik atera eta 2016 Gunera ekartzeko deia egin nahi du antolakuntzak, parte-hartzaile guztion artean konponduko baititugu.